9
Shkup, 1 prill – Presidentja Gordana Siljanovska Davkova sot ka takuar pjesëmarrësit e programit të sivjetshëm “Oksford konjektim”.
Siç njoftoi Kabineti Presidencial, në takim morën pjesë Dr. Kostake Milkov, kryetar i Institutit Ballkanik për Besim dhe Kulturë dhe organizator i “Oksord konjuktim”, Mr. Nada Milkova, drejtoreshë e “Metanoia” dhe pjesëmarrësit: Prof. Dr. Lorna Smit, Prof. Dr. Najxhel Kruk, Dr. Daniel Vatkis, Dr. Ketrin Fund dhe Betan Vilis, si dhe prof. Dr. Valentin Mirçeski.
Duke theksuar se programi është unik për vendin tonë, Presidentja Davkova theksoi se ka pasur kënaqësinë të takojë disa nga folësit e shquar nga programet e mëparshme të “Oksord konjektim”.
Kryetari i Institutit Ballkanik për Besim dhe Kulturë, Milkov, theksoi se qëllimi i programit është që të lidhë institucionet relevante të Maqedonisë me këtë institucion lider të arsimit të lartë. Nga viti 2011 e deri më sot, përmes këtij programi në universitetet e Maqedonisë, si dhe në ASHAM, mbi 100 profesorë, ligjërues dhe doktorantë nga Oksfordi kanë pasur mundësinë të shpjegojnë hulumtimet e tyre aktuale në shumë fusha.
Presidentja, si profesoreshë në universitetin më të mirë të Maqedonisë, siç thuhet në deklaratë, ka treguar se i vjen keq që UKIM po bie në renditjen e universiteteve botërore.
“Duhet të mbështesim më të mirët, të luftojmë për të rinjtë dhe t’i mbajmë në vend, sepse vetëm ata mund të na ndihmojnë të jemi realisht pjesë e Bashkimit Evropian”, ka theksuar presidentja, duke potencuar se pikërisht për këtë është frymëzuese vizita e përfaqësuesve të Universitetit të Oksfordit.
Përndryshe për momentin, në Mbretërinë e Bashkuar, gjithsej 41 shtetas të Maqedonisë vazhdojnë shkollimin e tyre në një nga universitetet prestigjioze britanike.
Këtë vit “Oksord konjektim” do të realizohet nga sot deri të premten, më 4 prill.
BURIMI: zhurnal.mk
