Gjermania jugore dhe ajo perëndimore po vazhdon të përballet me stuhi të forta, ku gjatë ditës së djeshme breshëri arriti deri në gjysmë metre lartësi.
Breshëri në fshatin Weiler, në Bavari, bllokoi disa rrugë tërësisht pas krijimit të akullit, shkruan Euronews.
Shumë rrugë, sheshe dhe madje edhe kopshte u shndërruan për pak kohë në peizazhe dimërore nga stuhitë e forta breshëri.
Pothuajse një vit më parë, Gjermania u përball me një nga fatkeqësitë më të mëdha natyrore, kur dhjetëra njerëz vdiqën pas shiut të rrëmbyeshëm që goditi pjesët perëndimore të vendit.
