Moti i keq dhe stuhia në Ohër ka shkaktuar probleme për një varkë që po lundronte në ujërat e liqenit të Ohrit, shkruan TV21. Me ndihmën e pjesëtareve të policisë, 5 persona që po lundronin me varkë janë shpëtuar. Nga MPB njoftojnë se të njëjtit janë në gjendje të mirë shëndetësore.
“Sot (19.08.2023), duke vepruar sipas raportimit të marrë rreth orës 19:00 në SPB- Ohër, se në ujërat e liqenit të Ohrit, pronari i një mjeti lundrues, në të cilin po transportoheshin katër persona të tjerë, ka humbur kontrollin për shkak të stuhisë, efektivët e Stacionit të Policisë për Vëzhgimin Kufitar “Liqeni i Ohrit” kanë dalë menjëherë në terren dhe rreth orës 19:25 kanë gjetur varkën rreth 7000 metra larg bregut të liqenit, në afërsi të kufiri me Republikën e Shqipërisë. N.B.(55) nga Ohri, i cili drejtonte varkën së bashku me personat e tjerë që transportoheshin në të, janë shpëtuar dhe shëndoshë e mirë janë është transportuar në Stacionin e Policisë për Mbikëqyrje Kufitare “Liqeni i Ohrit”, pa lëndime”, njoftojnë nga MPB./tv21.tv
Burimi: TV21
