Një studim i ri i udhëhequr nga studiues në Universitetin e Shkencës dhe Teknologjisë në Jordani ka zbuluar se duhanpirësit kanë një shans më të ulët për t’i mbijetuar një sulmi në zemër, sesa jo duhanpirësit.
Studimi ka zbuluar se nivelet e Alpha-1 Anti Trypsin (A1AT), një proteinë në mëlçi që mbron indet e trupit te duhanpirësit ishin ‘dukshëm më pak’ sesa te jo duhanpirësit. Përafërsisht, 1.5 milionë sulme në zemër dhe goditje në tru ndodhin çdo vit në SHBA, sipas Departamentit të Shëndetësisë dhe Shërbimeve Njerëzore të SHBA për Parandalimin e Sëmundjeve të Zemrës dhe goditjeve në tru. Besohej se A1AT mund të ofronte mbrojtje për indin kardiak kur lëshohet gjatë një sulmi në zemër.
“Qëllimi i këtij studimi ishte të krahasonte nivelet plazmatike të A1AT të lëshuar tek duhanpirësit dhe jo duhanpirësit dhe midis individëve hipertensivë dhe johipertensivë pas një ataku,” citoi Said Khatib, PhD, një bashkëautor i studimit.
Studimi njerëzor u krye në 29 burra të rritur dhe 11 gra të rritura përmes mostrave të gjakut të marra brenda një, katër, 24, 48 dhe 96 orëve nga diagnoza e sulmit në zemër. Pjesëmarrësit u ndanë në katër grupe duhanpirëssh dhe jo-duhanpirësish, dhe hipertensivë dhe johipertensivë. Studiuesit kanë besuar se mbajtja e niveleve të duhura të A1AT tek duhanpirësit gjatë një ataku në zemër do të përmirësojë shanset e tyre për të mbijetuar.
