Strumica do të ketë konvikt të ri për të akomoduar nxënësit nga komunat fqinje që studiojnë në shkollat e mesme. Kjo shtëpi e re është premtim parazgjedhor i kryetarit Kostadin Kostadinov, e cili u realizua me kërkesë të qytetarëve, pasi shtëpia ekzistuese, përkundër përpjekjeve për mirëmbajtjen e saj, nuk ofron kushte cilësore për strehimin e nxënësve.
“Sot jemi duke inspektuar realizimin e fazës së parë, për të cilën duhet të jem i sinqertë se për shkak të rrethanave të paparashikuara, para së gjithash po mendoj për një instalim nëntokësor për të cilin na penguan të kemi informacion se për çfarë instalimi ishte për shkak të ujërave nëntokësore janë bërë 3 puse kulluese për grumbullimin e ujërave nëntokësore dhe për të mundësuar akses kontraktorit që po hedh sot themelet. Presim që faza e parë të përfundojë deri në fund të korrikut dhe komunës, gjegjësisht qytetarëve do t’i kushtojë 25 milionë denarë, ndërsa për realizimin e gjithë projektit do të nevojiten 100 milionë denarë dhe si kryetar komune e kam siguruar dinamikën e financimi. Ndërtimi i konviktit të ri të nxënësve, rikonstruksioni i pothuajse të gjitha shkollave, ndërtimi i sallave sportive në të gjitha shkollat e mesme në komunën e Strumicës, na vendosi në piedestal në Maqedoni sa i përket kushteve për arsimimin e nxënësve nga shkollat fillore dhe të mesme”, tha Kostadinov.
Burimi: tv21
