Thomas Strakosha ka qenë një nga protagonistët e derbit të ndezur të Athinës, mes Panathinaikos dhe AEK-ut, në të cilin skuadra e tij fitoi me shifrat 3:2.
Luka Joviç shënoi tre gola për AEK-un në ndeshjen e luajtur në fushën e rivalëve historikë, por Strakosha la shenjën e tij në këtë takim, duke pritur një penallti në pjesën e parë të saj, kur regjistrohej minuta e 28.
Nga pika e bardhë gjuajti Karol Sviderski, por Strakosha ia doli të ndalonte gjuajtjen e sulmuesit polak.
Ky është një ogur i mirë para përballjes me Poloninë në play-off të Botërorit, duke pasur parasysh se Sviderski është një titullar i saj dhe ka qenë shpesh protagonist kundër kuqezinjve.
Ai i ka shënuar dy herë Shqipërisë dhe në të dy rastet, Polonia ka fituar 1-0, fillimisht në tetorin e vitit 2021 në Tiranë në kualifikueset e Botërorit 2022, e më pas në marsin e vitit 2023 në Varshavë në kualifikueset e Euro 2024.
Burimi: botasot.info
