Nga data 31 maj deri më 3 qershor, sekretari i Përgjithshëm i NATO-s, Jens Stoltenberg, do të qëndrojë për një vizitë pune në Uashington.
Ai pritet të takohet me zyrtarë të lartë amerikanë, duke përfshirë sekretarin e Shtetit, Antony Blinken, sekretarin e Mbrojtjes, Lloyd J. Austin III, këshilltarin e Sigurisë Kombëtare të SHBA, Jake Sullivan.
Sekretari i Përgjithshëm do të mbajë gjithashtu një fjalim në Shkollën e Studimeve Ndërkombëtare të Avancuara të Universitetit Johns Hopkins (SAIS), thuhet në njoftimin e NATO-s.
