Në veri të Shqipërisë, në Shkodrën e goditur shpesh here nga fatkeqësitë natyrore, po zhvillohet një nga stërvitjet më të mëdha për përballimin e emergjencave civile, në kuadër të projektit “Flood North ALB”, i mbështetur nga Bashkimi Evropian.
Stërvitja ndërkombëtare përfshin 13 partnerë nga Ballkani dhe vende të tjera të Bashkimit Evropian, me qëllim testimin e kapaciteteve të reagimit të forcave të mbrojtjes civile në raste tç fatkeqësive, raporton tch.
Andre Rizzo, përfaqësues i Komisionit Evropian tha se një anëtare e re e Mekanizmit Evropian të Mbrojtjes Civile, Shqipëria po tregon angazhim maksimal për përmirësimin e kapaciteteve të saj në përballimin e emergjencave.
“Stërvitje të tilla janë thelbësore për të forcuar bashkëpunimin ndërkombëtar, për të minimizuar dëmet dhe për të shpëtuar jetë në raste fatkeqësish natyrore. Sidomos në prefekturën e Shkodrës, ku koha ka treguar se jeni përballur me përmbytje të shpeshta”.
Kjo stërvitje e përbashkët, vjen pak kohe pas anëtarësimit të plotë të Shqipërisë në Mekanizmin Evropian të Mbrojtjes Civile.
Shqipëria ka dhënë kontribut në ndihmën ndërkombëtare, si në tërmetin shkatërrues në Turqi në fund të vitit 2022 dhe gjatë zjarreve masive që goditën Greqinë në verën e vitit 2023.
Burimi: botasot.info
