Protestuesit në Sri Lanka u tërhoqën nga ndërtesat qeveritare që kishin marrë nën kontroll ndërsa nga ana tjetër trupat ushtarake përforcuan të enjten sigurinë rreth godinës së parlamentit të vendit.
Një qetësi e brishtë mbretëroi të enjten në vendin që po përballet me probleme të mëdha politike dhe ekonomike.
Presidenti Rajapaksa u largua të mërkurën nën trysninë e protestuesve të zemëruar mbi kolapsin ekonomik që ka përfshirë vendin.
Ndryshe nga sa premtoi ai nuk dha dorëheqjen ndërsa emëroi kryeministrin, në pozitën e ushtruesit të përkohshëm të detyrës së presidentit.
Protestuesit kërkojnë si dorëheqjen e kryeministrit ashtu edhe atë të presidentit si dhe formimin e një qeverie uniteti për të trajtuar problemet e mëdha ekonomike që kanëe kapluar Sri Lankën. Por në kushtet kur opozita është e përçarë zgjidhja duket e vështirë./VOA
