Sportistët e Kosovës po përgatiten me intensitet të shtuar në Antalia të Turqisë.
Rrjedha e përgatitjeve po vazhdon sipas dinamikës së paraparë.
Drejtuesit e Federatës ë Triathlonit të Kosovës janë të kënaqur me ecurinë dhe punën që po bëhet nga trajnerët në Antalia.
“Vazhdojnë përgatitjet intensive të kombëtares së Kosovës në rriathlon në Antalia.
Përgatitjet intensive po vazhdojnë me ritëm të lartë në Antalia, Turqi, ku sportistët e Reprezentacionit të Kosovës janë duke zhvilluar nga dy seanca stërvitore në ditë.
Në kushte ideale klimatike dhe me infrastrukturë moderne sportive, ekipi ynë po punon maksimalisht në:
-Rritjen e qëndrueshmërisë aerobike
-Përmirësimin e teknikës në not
-Seanca të fuqishme në çiklizëm
Atmosfera brenda ekipit është shumë pozitive, me disiplinë dhe përkushtim të lartë nga të gjithë sportistët. Çdo ditë e kampit përfaqëson një hap më afër objektivave tona për sezonin ndërkombëtar 2026.
Ky kamp është një investim i rëndësishëm në përfaqësimin dinjitoz të Kosovës në arenën ndërkombëtare.
Rrugëtimi vazhdon”, thuhet nga Federata e Triathlonit me president Naim Gashi.
Burimi: botasot.info
