Kemi informata prej ku janë dërguar mejlet për alarmet e rreme për bomba në shkolla dhe intensivisht po punojmë me qëllim që të vijmë deri te autori, deklaroi sonte ministri i Punëve të Brendshme, Oliver Spasovski.
“Do të analizohen shkaqet dhe do të kuptojmë pse është kjo kështu. Nëse janë shkaqe politike, nëse gjeostrategjikle, ndoshta janë edhe biznes shkaqe. Në këtë fazë ne praktikisht i dimë mejlet. Kemi informata prej ku janë dërguar. I dimë të dhënat e sakta në këtë drejtim dhe në këtë po punojmë intensivisht, me qëllim që të vijmë deri te autori”, tha Spasovski.
Ministri në emisionin “Uin-Uin” në televizionin Telma tha se paralajmërimet për bomba të vendosura në shkollat e mesme të Shkupit janë akt monstruoz dhe me siguri janë pjesë e sulmeve hibride , në të cilat jemi të eksponuar si shtet.
Spasovski tha se sulme të tilla kanë ndodhur edhe në fqinjësinë tonë, por se kjo nuk do të thotë se nuk duhet të zbatohet hetim intensiv, para së gjithash për shkak të shqetësimeve tek fëmijët, kuadrin arsimor në shkolla, por edhe të prindërve të nxënësve.
“Të gjitha kapacitetet të cilat i kemi në dispozicion, edhe njerëzore edhe material-teknike, janë vendosur në funksion nga shteti dhe të gjitha kapacitetet të cilat mund të na ofrojnë partnerët tanë do të vendosen në funksion, pa dallim se cili është shkaku dhe natyra e kërcënimeve”, tha ministri.
Ai vlerësoi se kërcënimet për bomba të vendosura vetëm e konfirmojnë rëndësinë e mbrojtjes nga sajber krimi.
