Shkup, 15 nëntor – Ministri i Punëve të Brendshme, Oliver Spasovski sot mbajti fjalim në Konferencën dyditore ministrore për Menaxhimin e Qëndrueshëm të Migracionit në Ballkanin Perëndimor, të organizuar nga Ministria e Punëve të Brendshme dhe Zyra e Organizatës Ndërkombëtare për Migrim (IOM).
Në konferencën që mbahet në Shkup marrin pjesë ministrat e Punëve të Brendshme të rajonit, me fjalime të tyre marrin pjesë edhe Kordinatorja e Përhershme e KB-së në Maqedoninë e Veriut, Rosana Duxhiak, drejtori i përgjithshëm i IOM-it, Antonio Vitorino, ndërsa video fjalime kanë pasur edhe zëvendëskryeministri i parë dhe ministër për Punë të Brendshme të Çekisë, Vit Rakushan, si dhe Komisari Evropian për Fqinjësi të Mirë, Oliver Varheji.
Ministri Spasovski, në fjalën e tij dhe në emër të MPB-së, mirëpriti në Republikën e Maqedonisë së Veriut mysafirët e lartë, kolegët ministra, me të cilët këto dy ditë do të marrin pjesë në konferencën e organizuar bashkërisht me Misionin Ndërkombëtar për Migracioni (IOM), dhe në kuadër të presidencës çeke me Këshillin e Bashkimit Evropian.
Ai theksoi se është theksuar shumë herë deri më tani se menaxhimi i migracionit është një sfidë komplekse e sigurisë, me të cilën përballemi si vend dhe si rajon në tërësi, sepse, nënvizoi ai, Gadishulli Ballkanik është pjesë e korridor natyror dhe udhëkryq i rrugëve dhe nën-rrugëve të migrantëve që çojnë nga Azia dhe Afrika në Evropën Qendrore dhe Perëndimore.
Sipas tij, krizat aktuale ushtarake dhe politike të sigurisë në Lindjen e Afërt dhe të Mesme, situata e pafavorshme ekonomike dhe sociale në vendet e origjinës ndikojnë në hyrjen dhe kalimin transit të emigrantëve të paligjshëm nëpër vendin tonë.
Nënshkrimi i Marrëveshjes ndërmjet Republikës së Maqedonisë së Veriut dhe Bashkimit Evropian për aktivitete operative të kryera nga Agjencia për Rojet Kufitare dhe Bregdetare Evropiane në Republikën e Maqedonisë së Veriut, të cilën me krenari po e promovojmë muajin e fundit si në vendet ndërkombëtare edhe në nivel kombëtar”, theksoi Spasovski, për ne ka kuptime të shumëfishta.
Burimi: zhurnal.mk
