Ministri i Punëve të Brendshme, Oliver Spasovski, nuk ka ditur për prokurimet e Dragi Rashkovskit, i cili ka blerë softuer për matjen e shpejtësisë mesatare në komunikacion, kabina, aparate për identifikim biometrik, kamera. Spasovski dëshmoi në rastin “Softuer”, ku i akuzuari i parë është ish-sekretari i përgjithshëm i qeverisë, Dragi Rashkovski. Ai është marrë në pyetje nga Ivana Trajçeva, prokurorja e cila po e ndjek Rashkovskin së bashku me persona të tjerë që ajo mendon se janë të përfshirë në prokurim, duke përfshirë kompaninë “Invoka Group” e cila ka fituar tenderët. Spasovski ka dhënë përgjigje si ministër dhe kryeministër teknik gjatë periudhës së prokurimit, tansmeton Portalb.mk.
“Nuk kam qenë në dijeni për këtë lloj softueri”, tha Spasovski i pyetur nëse dinte për blerjen e softuerit dhe shtoi: “Nuk mbaj mend të kemi diskutuar për këtë çështje”.
Sipas Spasovskit, kjo çështje nuk është diskutuar asnjëherë në mbledhje të qeverisë.
“Mendoj se nuk është diskutuar, sepse blerjet e bëra nga Qeveria janë në juridiksionin e Sekretariatit të përgjithshëm. Nëse ka plan për prokurim publik, ai i merr vetë vendimet”, shtoi Spasovski.
Ministri tha se shqiptimi i dënimit dhe përcaktimi i saktë i shpejtësisë dhe shqiptimit të dënimeve është kompetencë e Ministrisë së Punëve të Brendshme, pas së cilës shkurtimisht u përgjigj: “Jo”, kur u pyet nëse ka pasur plan për implementimin e një softueri të tillë.
Spasovski theksoi se në MPB janë bërë analiza për përmirësimin e sigurisë në komunikacion. Një opsion ishte blerja e softuerit.
“Në mandatin e Zoran Zaevit thuhej se duhet bërë analizë për përmirësimin e kushteve të komunikacionit duke përmirësuar sistemin. Kemi analizuar metodat dhe modelet për përmirësimin e sistemit ekzistues ‘Qyteti i sigurt’, përmirësimi duhet të jetë edhe në seksionin e trafikut. Një nga opsionet është blerja e softuerit të ri, opsioni i dytë është përmirësimi i sistemit”, shtoi Spasovski.
Prokurorja Trajçeva u interesua edhe nëse është diskutuar që Qeveria t’i marrë kompetencat nga MPB-ja për shqiptimin e dënimeve, për të cilën ministri tha se kjo nuk është detyrë e këtij institucioni.
Në përgjigje të pyetjeve të prokurores, Spasovski tha se nuk e ka ditur as edhe se është blerë sistem identifikimi biometrik.
Për blerjen e kamerave për softuerin me shpejtësi mesatare dhe kabinat për softuerin dhe sistemin e identifikimit biometrik, Spasovski tha: “Nuk kam qenë në dijeni”.
Ndryshe, Rashkovskit pas hapjes së hetimeve më 16 prill të vitit të kaluar i është caktua masa e arrestit shtëpiak, por pas ankesës së Prokurorisë vendimi u pezullua dhe pesë ditë më vonë mori paraburgim efektiv në burgun e Shkupit në Shuto Orizarë. Megjithatë aty qëndroi rreth një muaj e gjysmë pasi më 4 qershor 2021, me vendim të Apelit, masa e paraburgimit efektiv i është zëvendësuar me arrest shtëpiak. Rashkovski edhe atëherë ofroi garanci për t’u mbrojtur në liri, por rreth 500.000 euro, por u refuzua.
Rashkovskit i cili akuzohet për keqpërdorim me furnizmin të softuerit për shkelje në trafik, në shkurt i’u ndërpre fillimisht paraburgimi dhe më pas edhe paraburgimi shtëpiak, pasi Apeli e pranoi garancinë prej 192 mijë euro.
Aktakuza për rastin “Softuerët” përfshin blerjen e dy softuerëve për kundërvajtje në komunikacion dhe për identifikim biometrik, të cilat sipas Prokurorisë nuk janë kërkuar dhe përdorur nga askush. Aktakuza përfshin edhe pagesën e tarifave nga e cila sipas prokurorisë ka marrë pjesë edhe ish-sekretari i përgjithshëm. Rashkovski ndiqet penalisht për keqpërdorim të detyrës zyrtare dhe larje parash. Me të akuzohen edhe gjashtë persona të tjerë: Ivica Dimitrovski, Igor Hristov, Daniel Stançev, Irena Ivanovska, Igor Ivanovski dhe Maja Siljanovska.
- LEXO: Muajin tjetër do të vazhdojë rasti “Softueri”, Oliver Spasovski do të paraqitet si dëshmitar
- LEXO: Zekiri dëshmoi në rastin e Rashkovskit: Qeveria nuk shqipton gjoba komunikacioni
- LEXO: Softuerin që Rashkovski e ka blerë për Policinë nuk ka funksionuar, konstatoi eksperti
- LEXO: Pas ndërprerjes së paraburgimit, Rashkovski kërkoi t’i kthehet pasaporta
- LEXO: Filloi procesi gjyqësor kundër Rashkovskit pas tre dështimeve
- LEXO: Apeli ua hoqi masën e arrestit shtëpiak Dragi Rashkovskit dhe Trajko Veljanoskit
- LEXO: Gjyqi i Rashkovskit është shtyrë për më tutje pasi në seancë mungoi Maja Siljanovska
- LEXO: Gjyqi i Rashkovskit fillon më 25 janar, lënda i ra gjyqtares Janculeva-Mihailovska
- LEXO: Pas festave, Rashovski do të gjykohet për prokurimin e softuerit
- LEXO: Rashkovski ka futur në Qeveri të drejtë ndërtimi të paligjshëm, kompania e ka shpërblyer me automjet prej 50 mijë euro për bashkëshorten
- LEXO: Rashkovski ka leje nga gjykata që në kohë të caktuar të përdorë shërbime shëndetësore, sqarojnë nga MPB-ja
- LEXO: RMV, Apeli edhe një herë i përkujtoi të gjithë se Rashkovski ka ndalesë për komunikim dhe ia vazhdoi arrestin shtëpiak deri më 8 shtator
- LEXO: Rashkovski ka ndalesë të rreptë të komunikojë me të dyshuarit e tjerë edhe pse Gjykata Penale tha se nuk ka kur refuzoi ta kthejë në Shutkë
- LEXO: Gjykata ka refuzuar ta kthejë Rashkovskin në Shutkë, pasi Prokuroria sërish ka kërkuar paraburgim
- LEXO: Edhe një “bombë” u publikua për skandalin me tenderin e sekretarit të përgjithshëm Dragi Rashkovski
- LEXO: Prokuroria hapi lëndë për keqpërdorimet te tenderi i sistemit të radarëve, ku akuzohet Rashkovski
- LEXO: Rashkovski bleu softuer për gjobitje në trafik, ndërsa MPB-ja nuk di për të dhe as planifikon ta përdorë
- LEXO: Prokuroria ka hapur procedurë para-hetimore për softuerin e Rashkovskit
- LEXO: Dragi Rashkovski dha dorëheqjen nga posti sekretar në kabinetin e Kryeministrit
Burimi: portalb.mk
