Sarah Berisha dhe Dj Pm vijojnë lidhjen e tyre në distancë që pas përfundimit të “Big Brother”. Aktualisht, çifti po shkojnë shumë mirë dhe janë duke shijuar çdo moment me njëri-tjetrin, pavarësisht distancës.
Kjo pasi Pajtimi jeton në Kosovë, ndërsa Sarah në Tiranë, ku sapo mbylli eksperiencën e saj të parë si moderatore te “Kosherja”. Sarah së fundi, në një intervistë, ka thënë se është më mirë kur nuk takohen shumë ose të jenë bashkë 24 orë, pasi do të hasnin debate.
“Gjërat po shkojnë shumë mirë, në fakt jemi në distancë. Ai është në Kosovë, unë jam këtu, takohemi shpesh. Ai vjen këtu ose shkoj unë atje. Tani do të ikim dhe për pushime, kështu që gjërat janë shumë mirë. Mendoj ndonjëherë më mirë kur jemi kështu, paksa në distancë, sepse na merr malli për njëri-tjetrin dhe më mirë kështu sesa 24 orë, sepse do të zihesh patjetër, por edhe distanca është e vështirë se kot e them, është realisht sidomos kur e di sesa orë larg është, por nuk ke çfarë bën, edhe kur u njohëm, e dinim që nuk jetojmë në të njëjtin vend, por që jemi duke e shijuar lidhjen”, u shpreh Sarah Berisha.
Sarah me tej ka thënë se nuk kanë ende ndonjë plan për një fejesë. Shpesh në rrjete, blogerja është përfolur edhe për një shtatzani, por duket se ajo gjithnjë i ka përgënjeshtruar këto lajme. Mjafton një foto me barkun paksa të rrumbullakosur e një personazhi publik ose një veshje rozë/blu që njerëzit të fillojnë të aludojnë për shtatzëni.
Kështu ka ndodhur edhe me blogeren Sarah Berisha, e cila edhe pse ka deklaruar se plane të tilla janë të largëta, kohët e fundit është përfolur disa herë se është në pritje të ëmbël.
Sarah ka folur për herë të parë rreth kësaj deklarate. E ftuar në “Natë me Aulonën”, Sarah deklaroi se thjesht i pëlqen të hajë, por nuk është shtatzënë.
“Nuk e di çfarë kanë me mua. Jam shëndoshur se më hahet. Jo, nuk kam qenë dhe nuk jam shtatzënë. Është shumë shpejt”.
Shumë është diskutuar rreth marrëdhënies së saj me Einxhel Shkirën. Sikurse është pasqyruar në rrjetet sociale, ato nuk kanë një marrëdhënie shumë të afërt. Korrekte, por jo miqësore.
“Nuk është se dalim ose jemi bërë për të dalë të 4. Kur jemi parë ose rastisur në një vend, kemi folur. Marrëdhënia nuk është si në ‘Big Brother VIP’. Më shumë pas formatit jam shoqëruar me Kledin. Me Beniadën pak. As me Donaldin nuk jam bërë shumë. Nuk më ka dalë koha as për rrethin tim shoqëror. Secili ka punët e tij dhe unë i kuptoj”, deklaroi Sarah.
