Guvernatori i Luhanskut, i cili ka rënë pothuajse plotësisht nën kontrollin rus, ka thënë se ishte e mundur që forcat ukrainase mund të tërhiqen nga xhepi i fundit i rezistencës për të shmangur kapje, raporton Sky news, përcjell “Bota sot”.
“Rusët nuk do të jenë në gjendje të kapin rajonin e Luhanskut në ditët në vijim, siç kanë parashikuar analistët,” tha Serhiy Gaidai në një postim në shërbimin e mesazheve Telegram, duke iu referuar qyteteve të rrethuara afër Severodonetsk dhe Lysychansk.
“Ne do të kemi fuqi dhe burime të mjaftueshme për t’u mbrojtur. Megjithatë, është e mundur që për të mos u rrethuar do të duhet të tërhiqemi.”
Në një postim të mëparshëm në Telegram ai tha se “banorët e Severodonetsk kanë harruar se kur ishte hera e fundit që pati heshtje në qytet për të paktën gjysmë ore”.
Ai shtoi se “rusët po godasin pa pushim lagjet e banuara”.
