Presidenti i Egjiptit, Abdulfettah es-Sisi dhe presidenti i Ukrainës, Volodymyr Zelenskyy diskutuan për zhvillimet e fundit në Ukrainë dhe krizën në sigurinë globale të ushqimit, transmeton Anadolu.
Në një deklaratë me shkrim nga Presidenca egjiptiane thuhet se Sisi ka zhvilluar bisedë telefonike me Zelenskyy-n.
Gjatë takimit u diskutuan zhvillimet në sigurinë ushqimore globale si dhe çështje në terren dhe nivel humanitar në Ukrainë.
Sisi tha se duhet t’i jepet përparësi dialogut dhe zgjidhjes diplomatike dhe se të gjitha përpjekjet për të përshpejtuar zgjidhjen politike të krizës Rusi-Ukrainë do të mbështeten përmes negociatave.
Duke potencuar se shumë vende të botës, veçanërisht Afrika, po vuajnë nga kriza ushqimore, të dy diskutuan për përpjekjet e vazhdueshme për të zgjatur marrëveshjen e eksportit të grurit.
Egjipti importon 80 për qind të nevojave të tij vjetore për grurë. Kjo tregon se Egjipti është vendi që importon më shumë grurë në botë.
Sipas të dhënave të Ministrisë së Bujqësisë, furnizuesi më i madh i Egjiptit, i cili vitin e kaluar importoi 13.3 milionë tonë grurë, ishte Rusia me 8.96 milionë tonë.
– Marrëveshja e korridorit të grurit
Përveç iniciativave diplomatike me të dy vendet (Rusi-Ukrainë), Türkiye vazhdoi përpjekjet e saj ndërmjetësuese për dërgesat e drithërave që shkaktuan krizën globale të ushqimit.
Në kuadër të kësaj, falë ndërmjetësimit të OKB-së dhe Türkiye-s, në Istanbul më 22 korrik 2022 u nënshkrua Marrëveshja e Korridorit të Grurit. Marrëveshja u zgjat sërish më 17 nëntor, pas afatit prej 120 ditësh, falë diplomacisë intensive të presidentit Erdoğan.
