Jemi në sezonin e Luanit, shenjës sharmante të zodiakut. Protagonisti kryesor i këtij muaji është zakonisht tërheqës
Luani është shumë i guximshëm dhe luftarak për veten.
Ka disa tipare dalluese që të tregojnë se ke përballë teje një Luan tipik:
Fytyra
Shumica e njerëzve të Luanit i kanë tiparet si të maceve, sidomos në fytyrë. Sytë janë shpeshherë të mëdhenj dhe padyshim që dallohen për zhdërvjelltësi, por edhe për shkëlqimin e tyre.
Ndonjëherë, duket sikur lodron një buzëqeshje në shikimin e tyre. Lëkurën e kanë zakonisht perfekte dhe duket që kujdesen shumë për të.
Trupi
Zakonisht, njerëzit e shenjës së Luanit (sidomos burrat) janë të gjatë, por ka edhe nga ata që janë me shtat të shkurtër. Edhe kur ata janë më të shkurtër se të tjerët, ju do të vini re padyshim Luanin dhe vetëbesimin që përcjell.
Këta njerëz në përgjithësi kanë një krekosje natyrale në lëvizjet e tyre. Luanët sillen sikur të jenë madhështorë dhe bëjnë lëvizje të matura.
Burri Luan
Ai kur ecën e mban gjoksin jashtë. Shpatullat e tij janë të forta dhe po kështu janë edhe krahët e tij. Ai ka një fizik që bie në sy dhe shprehet me vetulla dhe buzëqeshje. Kur lëviz, Luani bën hapa të mëdhenj, por është i shpejtë dhe i lehtë në ecje; fiks si një luan. Kur ai qesh me gjithë shpirt, gjithë fytyra i shkëlqen.
Ndonëse këmbët e tij mund të jenë më të shkurtra në krahasim me gjatësinë e tij, duket qartazi se trupi i tij është i fortë. Po ashtu janë edhe duart e tij. Zakonisht ka flokë të dendur dhe një nofull burrërore në formë katrore. Sytë e tij, pavarësisht ngjyrës, janë të ngrohtë dhe të qetë.
Gruaja Luan
Ajo vërtetë është zakonisht elegante dhe e gjatë, por këmbët i ka të shkurtra, nëse i referoheni gjatësisë së saj trupore. Gruaja e Luanit sillet si një luaneshë e vërtete; me krenarinë e një mbretëreshe.
Fytyra e saj është shprehëse dhe e gjallë. Sytë e saj janë zakonisht të mëdhenj dhe të ngrohtë. Ajo mund të ketë një hundë të rregullt dhe veshë të vegjël. Qafa e saj nuk është e gjatë, por sërish i jep një pamje shumë elegante dhe të paharrueshme kësaj gruaje.
Burimi: botasot.info
