Supersfida mes Juventusit dhe Lazios do të mbyllë siparin e mbrëmjes së sotme në Serinë A italiane. Bardhezinjtë e Alegrit dhe të kaltrit e Sarrit, do të kërkojnë të marrin maksimumin nga ky duel që pritet të jetë tepër i luftuar në fushën e lojës.
“Zonja e Vjetër” vjen në këtë duel pas 5 fitoresh radhazi në kampionat, ndërkohë që Lacio, në 5 ndeshjet e fundit ka siguruar 3 fitore 1 humbje dhe një barazim.
Për sa i përket formacioneve zyrtare, si Juventusi dhe Lacio vijnë në këtë supersfidë me shumë mungesa të rëndësishme. Te bardhezinjtë nuk do të jenë të disponueshëm, Vlahoviç,
Pogba, Aleks Sandro etj, ndërkohë që Lacio në krahun tjetër vjen pa Imobilen, Laxarin, Zakanjin, etj. Ndërkohë lajm i mirë është se nga minuta e parë në krahun e djathtë të mbrojtjes aktivizohet futbollisti i Kombëtares shqiptare, Elseid Hysaj.
