Është e qartë tashmë se dimri është në rrugën e tij. Me ndryshimin e stinëve vijnë edhe disa ndryshime të nevojshme në stilin e jetës
Por një pjesë e jetës që duhet të jetë gjithmonë e qëndrueshme, është një model i mirë dhe i qëndrueshëm i gjumit.
Nevojiten kërkime shkencore më thelbësore, por studimet tregojnë se gjumi është më i gjatë në dimër dhe më i shkurtër në verë për shkak të rritjes së gjatësisë së ditës dhe temperaturës në muajt e ngrohtë.
Më poshtë janë mënyrat kryesore se si gjumi ynë ndikohet nga tranzicioni i stinëve.
Temperaturat më të ftohta
Mjedisi termik rreth jush është një nga variablat më të rëndësishëm kur bëhet fjalë për gjumin. Temperatura juaj e brendshme ndikon në cilësinë e gjumit REM (lëvizja e shpejtë e syve).
Ekspertët e gjumit thonë se temperaturat midis 15 dhe 20 gradë Celsius janë optimale për një natë me gjumë të mirë dhe të thellë, i cili konsiderohet fort si faza më thelbësore e gjumit.
Kjo dritare e temperaturës siguron që temperatura juaj bazë nuk do të rritet në mënyrë dramatike teksa flini, pasi një rritje e nxehtësisë së trupit ndonjëherë mund të shkaktojë që trupi të zgjohet.
Natyrisht, temperaturat më të freskëta të brendshme janë më të arritshme gjatë dimrit kur jashtë është më ftohtë. Nëse këto temperatura të ulëta janë paksa shumë të ftohta për pëlqimin tuaj, provoni t’i grumbulloni nën batanije të shumta ose të vishni shtresa të shtuara rrobash.
Humbja e dritës së diellit
Sa herë që ekspozimi juaj ndaj dritës së diellit zvogëlohet, ritmet tuaja cirkadiane ndikohen. Ritmet cirkadiane janë ndryshime mendore, fizike dhe të sjelljes që pasojnë një cikël 24-orësh. Ata janë ora juaj e brendshme, që rregullojnë sa vigjilent ose sa të përgjumur jeni.
Ndikimi i daljeve më të shkurtra të diellit është i dyfishtë kur bëhet fjalë për modelet tuaja të gjumit: Humbni më shumë kohë me burimin më natyral të vitaminës D që ekziston, diellin dhe nivelet tuaja të melatoninës rriten për shkak të mungesës së dritës së ditës.
Melatonina është një hormon që truri juaj prodhon në përgjigje të errësirës, i cili ndihmon në përcaktimin e kohës së ritmeve rrethore. Teksa truri juaj prodhon më shumë nga ky hormon, mund ta gjeni veten jashtëzakonisht të përgjumur ose të plogësht në mbrëmjen e hershme. Hulumtimet tregojnë se mungesa e vitaminës D lidhet me një rrezik më të lartë të çrregullimeve të gjumit dhe kontribuon në më pak orë gjumë, si dhe një gjumë më të parehatshëm gjatë natës.
Për ta mundur mungesën e dritës së diellit, provoni tëdilni në diell gjatë mëngjeseve dhe pasditeve. Nëse jeni duke punuar nga shtëpia, dilni për një shëtitje të shpejtë ose dy.
Një studim i Journal of Clinical Sleep Medicine tregoi se njerëzit e ekspozuar ndaj më shumë rrezeve të diellit gjatë ditës së punës gëzonin një cilësi më të lartë të gjumit të përgjithshëm sesa njerëzit në mjedise pune pa dritare.
Ajri më i thatë
Ajri shumë i thatë mund ta bëjë më të vështirë frymëmarrjen gjatë natës. Ajri është tashmë më i thatë në dimër, dhe ndonjëherë ngritja e sistemit tuaj të ngrohjes së brendshme mund t’i përkeqësojë gjërat, pasi termostati tenton të nxjerrë retë e pluhurit dhe alergeneve që mund të irritojnë sinuset tuaja kur thithen.
Merrni parasysh blerjen dhe përdorimin e një lagështuesi të ajrit për të eliminuar këtë problem, veçanërisht nëse ajri i thatë i dimrit gjatë sezonit po ë bën lëkurën, sytë dhe kanalet e hundës të thatë ose shkakton probleme të frymëmarrjes. Lagështuesit mund të ndihmojnë në luftimin e këtyre problemeve, të cilat nga ana tjetër mund të ndikojnë të bëni një gjumë më të mirë të natës.
Pesë këshilla të tjera për t’ju ndihmuar në përmirësimin e gjumit në dimër
Qëndroni fizikisht aktiv gjatë dimrit.
Shtoni më shumë perime dhe fruta në dietën tuaj dhe mos hani vakte të mëdha natën vonë.
Bëni një dush të ngrohtë disa orë para gjumit për të ulur temperaturën e trupit dhe lëkurës.
Ndiqni të njëjtin orar gjumi gjatë fundjavave.
Investoni në shtrat që merr frymë ose blini çarçafë kualitativë.
