Miralem Pjaniç dhe Edin Dzeko kanë pasur sukses në ankesat e tyre. Federata e Futbollit të Bosnjë dhe Hercegovinës e ka shtyrë ndeshjen miqësore me Rusinë. Njoftimin e ka bërë federata e futbollit e këtij vendi.
“Miqësorja ndërmjet Bosnjë Hercegovinës dhe Rusisë, e cila ishte menduar të luhej më 19 nëntor, nuk do të luhet në atë kohë.
Në mbledhjen e sotme të bordit ekzekutiv të Federatës së Futbollit të Bosnjë dhe Hercegovinës, ndeshja e planifikuar për 19 nëntor është shtyrë.
Presidenti z. Vico Zeljkovic, deklaroi se zhvillimi i kësaj ndeshjeje miqësore do të shtyhet për një datë tjetër”, thuhet në deklaratën e së hënës.
Sikur të zhvillohej kjo ndeshje do të ishte e para e Rusisë kundër një kombëtare evropiane që kur ky shtet u përjashtua nga të gjitha garat e FIFA-s dhe UEFA-s pas sulmit të paprovokuar ndaj Ukrainës.
