Kryetari i degës së BDI-së në Tetovë, Faton Ahmeti, është shprehur qartë se Bilall Kasami po lëvdërohet me projektet të cilat nuk janë të tij dhe po i përvetëson ato.
Këto janë disa nga projektet të cilat Ahmeti i ka cekur:
Ndërtimi i fazës së parë të bulevardit “Blagoja Toska” , me mjete të siguruara nga programi TAV, si dhe mjete në vlerë prej 500.000 euro për ekspropriim të pronave të qytetarëve,
-Ndërtimi i pishinës shkollore në Tetovë- projekt i realizuar nga Agjencia e Rinisë dhe Sportit,
-Ndërtimi i shëtitores së lumit Shkumbin, projekt ky gjithashtu i realizuar nga mjetet e ridestinuara nga programi TAV Maqedoni,
-Furnizimi dhe vendosja e kontejnerëve gjysmënëntokësorë në 31 lokacione brenda qytetit, si dhe furnizimi i 2 kamionëve të specializuar për bartjen e hedhurinave – projekt ky në vlerë prej 28 milion denarësh, të siguruara nga granti i Bankës Botërore,
-Ndërtimi i shumë rrugëve në qytet, si që janë: rruga “Straso Pinxhur”, “Jane Sandanski “dhe “Sami Frasheri”, që janë investime infrastrukturore të planifikuara, projektuara dhe të buxhetuara nga Bashkimi Demokratik per Integrim,
Kryetari aktual i Tetovës, Bilall Kasami në mungesë të ideve dhe planeve për zhvillimin e qytetit e gjithashtu edhe në mungesë të njerëzve kompetent, vjedh idetë e BDI-së duke i promovuar tek qytetarët si ide autentike.
