Kombëtarja e Futsallit do të luajë më 12 prill ndeshjen e fundit kualifikuese ndaj Danimarkës, e vlefshme për Kampionatin Europian “Futsal 2026”.
Kuqezinjtë janë pjesë e Grupit 6, së bashku me Armeninë, Kazakistanin dhe Danimarkën. Shqipëria renditet në vendin e tretë, me tre pikë të grumbulluara.
Departamenti i Komunikimit në FSHF bën me dije se kjo ndeshje do të zhvillohet në sallën e sportit “Mizahir Isma”, në Rahovec të Kosovës. Ndeshja do të nisë në orën 19:00.
Në ditët në vijim, trajneri Erind Resuli do të shpallë listën me futbollistët e grumbulluar për këtë përballje.
Burimi: botasot.info
