Komisioneri Shtetëror për Zgjedhjet në Shqipëri, Ilirjan Celibashi, ka bërë të ditur për publikun dhe mediat përmbylljen e fazës së transportit të kutive të votimit.
Në një postim në rrjetet sociale, Celibashi konfirmoi se të gjitha kutitë e votimit dhe materialet zgjedhore janë dorëzuar me sukses në të gjitha Vendet e Numërimit të Votave (VNV).
“Procesi i transportit, shoqërimit dhe dorëzimit është kryer pa asnjë problem,” tha ai.
Sipas Celibashit kjo ishte një nga fazat më të ndjeshme të procesit zgjedhor.
Burimi: botasot.info
