Rrjeti social TikTok tha se kishte përfunduar migrimin e serverëve të saj Amerikanë tek kompania Oracle, një lëvizje e cila pritet të adresojë shqetësimet e administratës Amerikane në lidhje me integritetin e të dhënave në aplikacionin e videove me metrazh të shkurtër.
Lëvizja vjen dy vite pasi paneli i sigurisë kombëtare në SHBA urdhëroi kompaninë ByteDance të shiste TikTok për shkak të frikës se të dhënat e qytetarëve Amerikanë mund ti kalonin qeverisë komuniste Kineze.
TikTok është shndërruar në një prej aplikacioneve të medias sociale më popullore në botë me më shumë se 1 miliardë përdorues aktivë në mbarë botën ndërsa SHBA-ja është tregu i saj më i madh.
Shtetet e Bashkuara kanë kritikuar zhvilluesit e aplikacionit në lidhje me mënyrën e menaxhimit të të dhënave personale sidomos nëse bëhet fjalë për personale ushtarake ose të inteligjencës.
Urdhri i administratës Trump për shitjen e TikTok nuk u zbatua nga pasardhësi Joe Biden. Orcale kishte diskutuar të blinte një pjesë të aksioneve të TikTok në 2020-ën ndërsa ByteDance ishte nën presion.
Gjiganti Amerikan i shërbimeve cloud tashmë ruan të dhënat e të gjithë përdoruesve Amerikanë në serverët e saj në SHBA falë partneritetit me TikTok. /PCWorld Albanian
