Një shpërthim i dyshuar me lëndë plasëse është regjistruar në orët e para të mëngjesit të kësaj të hëne në qytetin e Patosit, ku është dëmtuar porta rrethuese e banesës së një 33-vjeçari, i cili ndodhet me masë sigurie “Arrest në shtëpi”.
Ngjarja është konstatuar rreth orës 05:05 të datës 16 nëntor, kur 33-vjeçari me inicialet M. P., banues në Patos, ka njoftuar sallën operative të Policisë për dëmtimin e portës së banesës së tij.
Sipas informacionit paraprak, dyshohet se dëmtimi është shkaktuar nga shpërthimi i një sasie lënde plasëse.
Grupi hetimor, nën drejtimin e Prokurorisë, po vijon punën për të zbardhur rrethanat e ngjarjes, identifikuar autorët e mundshëm dhe dokumentuar ligjërisht rastin.
Burimi: botasot.info


