Nëntë persona janë plagosur pas shpërthimit të një zjarri në aeroplanmbajtësen amerikane Abraham Lincoln në brigjet e Kalifornisë.
“Në mëngjesin e 29 nëntorit, një zjarr shpërtheu në bordin e aeroplanmbajtëses të klasit Nimitz USS Abraham Lincoln”, tha marina amerikane në një deklaratë, duke vënë në dukje se zjarri u “vendos shpejt nën kontroll falë përpjekjeve të ekuipazhit.”
Megjithatë, nëntë anëtarë të ekuipazhit u plagosën lehtë dhe iu dha ndihma e parë.
Nuk u konsiderua e përshtatshme të ankorohej aeroplanmbajtësja amerikane, ndërkohë që u urdhërua një hetim për shkaqet e zjarrit.
Në korrik 2020, anija sulmuese amfibe e Marinës amerikane Bonhomme Richard u shkatërrua plotësisht nga një zjarr që shpërtheu ndërsa ishte ankoruar në bazën detare të San Diegos për mirëmbajtje.
