Një postim i shkurtër, por domethënës në rrjetet sociale i kryetarit të Komunës së Butelit, Darko Kostovski ka nxitur reagime dhe debat në opinionin publik.
Me frazën e njohur për banorët e kryeqytetit “Shkupi dhe gjithçka e mundshme”, ai ka lënë të hapur mundësinë e një hapi të madh në karrierën e tij politike, ndoshta kandidimin për Kryetar të Qytetit të Shkupit, shkruan GAZETA.MK
Edhe pse ende nuk ka asnjë konfirmim zyrtar, ky mesazh enigmatik është parë nga shumë shkupjan si sinjal i parë i ambicieve për të hyrë në garën për udhëheqjen e kryeqytetit.
Skena politike po bëhet gjithnjë e më dinamike, me figura të ndryshme që po pozicionohen për zgjedhjet e ardhshme lokale. Nëse Kryetari i komunës së Butelit, Darko Kostovski vendos të kandidojë, ai do të sjellë një energji të re dhe një shpresë se Shkupi me plotkuptimin e fjalës do tç shndërrohet në një metropol me të gjitha nishanet.
