Ekipi i Ndihmës së shpejtë është bllokuar në ashensor në pjesën e bodrumit në një ndërtesë në rrugën “Hristo Tatarçev” nr.47 në lagjen Kisella Vodë të Shkupit. Për këtë kanë marrë denoncim në telefonin 112 në orën 11:22, informojnë nga Qendra për Menaxhim me Kriza (QMK).
“Nga ana e QMK urgjentisht janë njoftuar Brigada e Mbrojtjes Kundër Zjarrit dhe SPB Shkup. Ashensori kishte rënë nga kati përdhes në bodrum. Në të ka pasur një ekip të Ndihmës së shpejtë. Të paktën katër persona ishin në ashensor në momentin e rënies, ndërsa nuk ka pasur pacient, sepse ekipi ishte në konstatim të vdekjes”, saktësojnë nga QMK.
Më parë QMK informoi se në ashensor është bllokuar ekipi i Ndihmës së shpejtë bashkë me një pacient.
Burimi: tv21
