Banorët e fshatrave që iu nënshtruan vite më parë reformës në Arsim nga Komuna e Kamenicës, nuk po e presin mirë vendimin e Gjykatës Kushtetuese.
Vendimi që thotë se ri-hapja e shkollave nga Ministria e Arsimit është e jashëligjshme sipas tyre është i dëmshëm për atë zonë të vendit.
Ata thonë se nuk do lejojnë në asnjë formë mbylljen edhe njëherë të shkollave.
Ndërsa nga MASHTI gjatë së mërkurës reaguan me një komunikatë ku thanë se Kushtetuesja nuk gjeti shkelje që ekzistojnë aktualisht apo të tilla që do të duhej t’i ndërpritej pasoja juridike.
Në fund, MASHTI ka thënë se vendimi i saj ishte për të përmbushur obligimet e shtetit për ofrimin e mësimit për fëmijët.
