Futbollistët shqiptarë ishin të rëndësishëm edhe këtë fundjavë në Europë. Në veçanti u dalluan Enea Mihaj në Portugali dhe Arbnor Muçolli në Turqi. Është në kombëtare dhe dëshiron të thotë se e meriton,
Enea Mihaj vazhdon të përmirësohet e padyshim është një alternativë e rëndësishme për trajnerin Silvinho, aq më tepër në mungesë të Ajetit. Mbrojtësi kuqezi u bë protagonist në Superligën e Portugalisë duke dhënë një asist me thembër.
Skuadra e tij, Famalikao, u mund 1-2 në fushën e Vitorias së Gimareshit, por Mihaj e bëri të vetën.
Në minutën e 17-të, ai shërbeu për barazimin e përkohshëm 1-1. Ndërkaq, në Turqi, shpëthen një lojtar I kombëtares, që këtë herë është lënë jashtë, ashtu siç nuk u mor as në Europian.
Ky është Arbnor Muja, që ka kaluar tek Samsunspori në Superligën turke, dhe në ndeshjen e fundit ishte një hero i vërtetë. Samsunspori fitoi 5-0 në stadiumin e Hatajsporit, dhe futbollisti ofensiv I krahut realizoi golin e parë në minutën e 37-të.
Pas pushimit, ai e bëri më të sigurt suksesin duke dhënë pasimin për golin e dytë shënuar nga Marius.
Po në Turqi ishte përballë dy lojtarë të kombëtares. Ernest Muçi i Beshiktashit dhe Rej Manaj I Sivasporit luajtën si titullarë, dhe skuadra e Stambollit fitoi 2-0 me gola të shënuar nga Çiro Imobile me penallti në pjesën e parë, dhe Zhedson Fernandes në minutën e parafundit.
Muçi luajti 62 minuta, ndërsa Manaj deri në fund, e në fushë ishte edhe sulmuesi I Kosovës, Milot Rashica.
Burimi: botasot.info
