Asistent trajneri i klubit rus Dynamo Moska Andriy Voronin e ka shkëputur kontratën e tij me klubin, dhe lajmin e ka konfirmuar vetë klubi rus.
Kjo gjë vjen si pasojë e situatës së tensionuar mes Ukrainës dhe Rusisë, ku ky i fundit ka bërë ndërhyrje ushtarake në disa pjesë të shtetit ukrainas.
“Nuk e shoh të mundur në asnjë aspekt që të qëndrojë në një shtet ushtria e të cilit është duke shkatërruar qytetet tona dhe hap zjarr ndaj civilëve”, tha Voronin.
Voronin nuk është trajneri i parë në Rusi që lë punën e tij si pasojë e tensioneve Ukrainë-Rusi, ku edhe trajneri i Lokomotiv Moskës Markus Gisdol ka dhënë dorëheqje për arsye të agresorit rus ndaj popullit ukrainas.
