Shefi i SHM-së në një konferencë të Komitetit Ushtarak të NATO-s

1

Shkup, 13 shtator – Shefi i Shtatmadhorisë të Armatës, gjeneralmajor Sashko Lafçiski, nga sot do të qëndrojë për vizitë pune në Pragë.

Gjenerali Lafçiski, nesër për herë të parë pas emërimit në detyrën e re, do të marrë pjesë në konferencën e Komitetit Ushtarak të NATO-s, në formatin e shefave të shtatmadhorive, ku është paraparë fjalim i tij në një pjesë të sesioneve.

Autoriteti më i lartë ushtarak i Aleancës së NATO-s, Komiteti Ushtarak në formatin e shefave të shtatmadhorive mblidhet dy herë në vit në selinë e NATO-s në Bruksel, ndërsa një herë në vit në vendet anëtare aleate.