Presidenti i Këshillit Evropian Charles Michel nënvizoi “llogaritjet e gabuara dhe humbjet” e Rusisë gjatë pushtimit në një telefonatë me Vladimir Putin, shkruan BBC, transmeton Bota sot.
Michel tha në Twitter se i kishte kërkuar presidentit rus që t’u jepte ukrainasve akses të menjëhershëm humanitar dhe kalim të sigurt nga Mariupol dhe qytete të tjera të rrethuara.
Ai theksoi se ishte edhe më e përshtatshme për ta bërë këtë në dritën e Pashkëve Ortodokse.
Një burim i tha BBC-së Michel i kishte paraqitur pozicionin e BE-së Putinit në “mënyrë të hapur dhe të drejtpërdrejtë”, duke shtuar se ai synonte “të depërtonte në vakumin e informacionit” që mund të ekzistojë rreth tij.
Michel këtë javë iu bashkua listës së liderëve të tjerë evropianë që kanë vizituar Kievin për bisedime me Presidentin Zelensky.
