Departamenti Amerikan i Shtetit ka miratuar shitjen e mundshme të sistemeve të kërkimit dhe gjurmimit me rreze infra të kuqe F-16 (IRST) dhe pajisjeve përkatëse në Tajvan me një kosto të vlerësuar prej 500 milionë dollarë, njoftoi Pentagoni, transmeton Anadolu.
Deklarata shton se Kongresi Amerikan u njoftua të mërkurën për shitjen e mundshme.
“Shitja e propozuar e këtyre pajisjeve dhe mbështetjes nuk do të ndryshojë ekuilibrin bazë ushtarak në rajon”, thuhet në deklaratë.
Në mars, administrata e presidentit amerikan Joe Biden miratoi një pako të shitjeve të armëve në Tajvan me vlerë rreth 619 milionë dollarë, e cila përfshinte municione për F-16 dhe pajisje shoqëruese.
Kina i ka bërë vazhdimisht thirrje Washingtonit që të ndalojë çdo përfshirje ushtarake ose shitje të armëve në Tajvan dhe ka sanksionuar kompanitë amerikane të shitjes së armëve.
