Pentagoni tha sot se trajnimi për avionët luftarakë F-16 pritet të fillojë për pilotët ukrainas në tetor në shtetin amerikan të Arizonës, transmeton Anadolu.
Stërvitja do të fillojë pas trajnimit në gjuhën angleze në shtator, u tha gazetarëve zëdhënësi Pat Ryder.
Trajnimi do të zhvillohet në bazën e Gardës Kombëtare Ajrore Morris në Tucson.
“Shtetet e Bashkuara së shpejti do të fillojnë trajnimin e ukrainasve për të fluturuar dhe mirëmbajtur avionët luftarakë F-16 në mbështetje të përpjekjeve ndërkombëtare për të zhvilluar dhe forcuar mbrojtjen afatgjatë të Ukrainës”, shtoi ai.
