742.3 milionë euro do të jetë buxheti për komunat e Kosovës për vitin 2024.
Ky buxhet është më i lartë për 90 milionë euro se sivjet.
Kështu të paktën deklaroi ministri i Financave, Punës dhe Transfereve Hekuran Murati.
Por, njëjtë nuk mendon njohësi i ekonomisë Haki Shatri.
Shatri në Info Magazine në Klan Kosova tha se pushteti qendror ua ka pamundësuar investimet kapitale, pushtetit lokal.
“Këto të hyrat vetanake niveli qendror gjatë këtij viti i ka bllokuar dhe i ka shantazuar komunat. Ato kanë dështuar në realizmin e shumë projekteve të paraparë me Ligjin për buxhetin”, tha ish-ministri i Financave, Haki Shatri.
