Karateisti Elhami Shabani, i cili fitoi medaljen e bronztë Kampionati evropian pritet të kthehet sot në Kosovë.
Ai fitoi medaljen pas fitores nga karateisti boshnjak Hamza Turulja me rezultat 2:1.
Paraprakisht Shabani mposhti karateistin nga Luxemburgu Adil Khaidar me rezultat 2:0.
Shabani kishte fituar ndaj Irlandezit Dean Omahony me rezultat 4:3, kurse kishte filluar me fitore në luftën e parë ndaj suedezit Ricky Haag.
Ai humbi nga garuesi Turk Erman Eltemur i cili kishte “Senshu” (pikën e parë në meç) dhe i cili më vonë vazhdon deri në finale për tu shpallur kampion i Evropës.
Shabani bën pjesë në kategorinë “Senior Kumite Male -75kg” ku ishin të paraqitur 38 garuesit më të mirë të 38 shteteve nga Evropa.
Kampionati evropian për senior në karate, u mbajt nga data 25 deri më 29 maj 2022 në Gaziantep të Turqisë.
Pjesëmarrës ishin 45 shtete me gjithsej 505 garues nga e gjithë Evropa.
Kosova morri pjesë me 17 garues në 5 kategori të luftërave (KUMITE) tek femrat dhe po aq tek meshkujt si dhe 2 garues në kategorinë KATA.
Po ashtu në garat ekipore të KUMITEVE, Kosova u paraqit në dy gjinitë, meshkuj dhe femra.
