Tre ndeshje do të zhvillohen sot në Serie A të vlefshme këto për xhiron e 20, të cilat ishin pezulluar për shkak të pandemisë Covid-19.
Ndeshja hapëse e këtij programi do të zhvillohet me fillim nga ora 18:00, ku në stadiumin “Artemio Franchi” skuadra e Fiorentinas pret në shtëpi Udinesen.
Ndërkaq, me fillim nga ora 20:15 kampioni italian Inter zhvillon ndeshje si mysafirë kundër Bolognas, ku do të synojë me çdo kusht fitoren që të rrëmbejë kreun e tabelës nga Milani.
Krahas takimit mes Bolognas e Interit do të zhvillohet edhe ndeshja tjetër interesante mes Atalantas dhe Torinos.
Momentalisht, tabela e Serie A kryesohet nga Milani me 74 pikë, i ndjekur nga pas nga Interi me 72 sosh, kurse Top 4 e mbyllin Napoli me 67 pikë dhe Juventusi me 66 sosh.
Në anën tjetër, Salernitana e Genoa me nga 25 pikë dhe Venezia me vetëm 22 pikë gjenden në zonën e rrezikut në tabelë.
Programin e plotë të ndeshjeve të sotme në Serie A e gjeni më poshtë.
18:00 Fiorentina – Udinese
20:15 Atalanta – Torino
20:15 Bologna – Inter
