Serbia është i vetmi vend kandidat për anëtarësim në BE në Ballkanin Perëndimor që nuk ka respektuar masat e reja kufizuese të BE-së kundër Iranit, raportoi B92 të mërkurën.
Përfaqësuesi i Lartë i BE-së për Politikë të Jashtme dhe Siguri, Josep Borrell, njoftoi sot se vendimit të miratuar nga Këshilli Evropian më 27 qershor i janë bashkuar edhe vendet kandidate: Maqedonia e Veriut, Mali i Zi, Shqipëria, Ukraina dhe Moldavia, vendet e EFTA-s, Islanda, Lihtenshtajni dhe Norvegjia dhe anëtarët e Zonës Ekonomike Evropiane.
Këto vende do të sigurojnë që politikat e tyre kombëtare të jenë në përputhje me vendimin e Këshillit dhe BE-ja e merr parasysh këtë angazhim dhe e mirëpret atë, shtohet në deklaratë.
