Nuk do të ketë TikTok në pajisjet e përdorura nga institucionet shtetërore në SHBA. Anëtarë të Senatit Amerikan kanë votuar në mënyrë unanime për të aprovuar një propozim nga Senatori Amerikan Josh Hawley i cili ndalon përdorimin e aplikacionit TikTok në telefonët dhe pajisjet e përdorura nga punonjësit e administratës.
Miratimi i propozimit thekson shqetësimet e autoriteteve lidhur me kompaninë mëmë të aplikacionit e cila akuzohet se ndan informacionet e qytetarëve Amerikanë me qeverinë Kineze.
Vetëm muajin e kaluar drejtori i FBI-së Chris Wray paralajmëroi ligjvënësit se qeveria Kineze mund të përdorë TikTok për të influencuar apo kompromentuar miliona pajisje.
Senatori Hawley e quajti TikTok një kalë troje e Partisë Komuniste Kineze. Vetëm pak ditë më parë Senatorët Republikanë Marco Rubio dhe Mike Gallagher bënë një propozim të ngjashëm por që kërkon ndalimin e përdorimit të TikTok plotësisht në SHBA.
Propozimi i tyre vinte në shënjestër edhe kompani të medias sociale nga Kina, Rusia, Kuba, Irani, Koreja e Veriut dhe Venezuela.
Shtete si Maryland dhe Dakotës së Jugut kanë ndaluar instalimin e TikTok në pajisjet shtetërore. Në lidhje me propozimin e Hawley, dhoma e senatit duhet ta aprovojë përpara se të shndërrohet në ligj. /PCWorld Albanian
