Selena Gomez iu kundërpërgjigj fansave dhe Francia Raísa-s, pasi aktorja komentoi “interesante” në një postim që theksonte deklaratën e Gomez se Taylor Swift ishte “shoqja e saj e vetme në industri”.
“Më vjen keq që nuk përmenda çdo person që njoh,” shkroi Gomez në një klip të Stephanie Tleiji në TikTok ku kjo e fundit shpjegonte grindjen e perceptuar.
Fansat u shfaqën të ndarë, disa që përkrahnin Raísa-n, e cila bujarisht i dhuroi një veshkë Gomez, dhe të tjerë që pretendonin se reagimi i Raisa-s ishte i tepruar.
“Sinqerisht ndihem sikur e gjithë kjo gjë ishte marrë jashtë kontekstit dhe Selena nënkuptonte industrinë e muzikës në të cilën Francia nuk bën pjesë,” shkroi një ndjekës.
“Ajo me të vërtetë mund të mos e konsideronte Francia si një “shoqe industrie”, por më shumë si një motër, ky ishte mendimi im i parë!” komentoi një tjetër.
“Francia i shpëtoi jetën! Ajo duhet të paktën ta kishte pranuar në dokumentar!!!!!” komentoi një tjetër, duke ofruar një këndvështrim alternativ.
“Shënim për veten – ‘mos i jep kurrë një miku veshkën tënde, sepse ai thjesht mund të të referohet si ‘çdo person që njoh’”, shkroi një tjetër.
“Nëse i jep dikujt një pjesë të trupit dhe ai thotë se mikesha e tij e vetme është një tjetër, unë do ta merrja personale”, shkruante dikush.
Përveç komenteve në internet, fansat vunë re gjithashtu se Raísa i bëri unfollow Gomez-it menjëherë pas publikimit të dokumentarit të këngëtares, ku Selena nuk e përmendi atë.
