Lorik Ilazi është kryetrajner i Dritës së Gjilanit dhe selektor i kombëtares së Kosovës (femrat) në volejboll!
Shih habinë, selektori i kombëtares së Kosovës nuk e respekton rregulloren e garave.
Gjithnjë duke u bazuar në vendimin që ka marrë Komesari i Garave i FVK-së, Drita e humbi ndeshjen me rezultat zyrtar 3:0 nga Fer Volley.
Humbje e dyfishtë sepse edhe në fushë ka humbur me 3:1.
Habia është se Lorik Ilazi është selektor edhe te senioret edhe të U-16 dhe nuk e respekton rregulloren!
Selektori duhet të jetë shembull dhe jo mos respektues i rregullores!
Kur selektori nuk e respekton, çfarë bëjnë të tjerët?
Në rrethana normale, Lorik Ilazi shkarkohet nga pozita e selektorit.
Sepse nuk e ka respektuar rregulloren dhe përkundër se i është tërhequr vërejtja nga delegati!
Çka na duhet një selektor që nuk i respekton rregulloret?
Shoku selektor, këto janë rregulla, të pëlqyen apo jo, hierarkia respektohet, rregulloret respektohen, institucioni i FVK-së, respektohet, sporti respektohet dhe nuk bëhet sporti si ju dëshironi!
Janë rregullat e lojës zotëri selektor.
Nuk je mbi ligjin.
Bordi i FVK-së duhet të veprojë, ta mbrojë reputacionin e federatës dhe të volejbollit, pra të ju shkarkojë!
“Gjatë ndeshjes së vlefshme të xhiros së parë të Raiffeisen Superligës A (femrat), ekipi i KV Drita ka aktivizuar pa të drejtë lojtaren me nr. 6 Motta Paes Loane në kundërshtim me Nenin 3, pikë 3.2 dhe 3.4 të rregullores për transferim të lojtarëve dhe Nenin 21 të propozicioneve të garave 2025-2026.
Delegati i ndeshjes ka paralajmëruar ekipin se lojtarja nuk kishte të drejtë loje për shkak se nuk posedonte licencë të vlefshme, pavarësisht këtij paralajmërimi, ajo është inkuadruar në lojë”, thuhet mes të tjera nga komesari i garave i FVK-së.
Burimi: botasot.info
