Njësiti i Policisë së Kosovës për Hetimin e Krimeve Mjedisore ka konfiskuar makineri të rënda në Krushë të Madhe – Rahovec, në një lokacion afër lumit të Drinit të Bardhë nga një kompani që po nxirrte zhavorr në mënyrë ilegale.
Policia së bashku me inspektorë të agjencionit kompetent kanë ndaluar së punuari makinerinë e rëndë, ekskavator dhe kamionë, të cilët ishin duke nxjerr zhavorr dhe duke dëmtuar shtratin e lumit Drini i Bardhë.
Në koordinim me prokurorinë themelore në Gjakovë iniciohet rasti në procedurë të rregullt “Ndotja, degradimi ose shkatërrimi i mjedisit”.
Ndërsa mjetet e rënda sekuestrohen deri në një vendim tjetër.
