Shtetet e Bashkuara nuk kanë parë asgjë që bie ndesh me vlerësimin paraprak të Polonisë se raketa e së martës në mbrëmje ishte rezultat i një rakete të mbrojtjes ajrore ukrainase, tha sekretari i mbrojtjes amerikane, Lloyd Austin.
Duke folur në një konferencë shtypi, Austin tha se kishte besim të plotë në hetimin e qeverisë polake për shpërthimin, i cili sugjeroi se mbrojtja ajrore e Ukrainës ishte ndoshta përgjegjëse për shpërthimin që vrau dy persona.
“Ne jemi ende duke mbledhur informacione, por nuk kemi parë asgjë që bie ndesh me vlerësimin paraprak të presidentit polak, Duda se ky shpërthim ka shumë të ngjarë të jetë rezultat i një rakete të mbrojtjes ajrore ukrainase që për fat të keq ra në Poloni”, deklaroi ai.
Ndërkohë, presidenti ukrainas, Volodymyr Zelensky ka thënë se nuk ka “nuk ka dyshim” se raketa që shkaktoi një shpërthim në Poloni “nuk ishte ukrainase”.
Ai shtoi se Ukraina “duhet të ketë qasje” në vendin e shpërthimit, ku dy persona vdiqën dhe katër u plagosën.
Ndryshe, Rusia ka nisur pushtimin e pajustifikueshëm në Ukrainë më 24 shkurt duke shkaktuar viktima dhe dëme materiale.
Burimi: GAZETA.MK
