Në Kuvendin e Republikës së Maqedonisë së Veriut gjatë ditës së sotme do të mbahen mbledhje të dy komisioneve, të Komisionit për Sistem Politik dhe marrëdhënie mes bashkësive si dhe Komisionit për Mbrojtje dhe Siguri.
Në rend dite të mbledhjes së Komisionit për sistem politik dhe marrëdhënie mes bashkësive janë raporti vjetor i punës së Prokurorive Publike për vitin 2020 dhe raporti për realizimin e Buxhetit gjyqësor për vitin 2020.
Ndërkohë anëtarët e Komisionit për Mbrojtje dhe Siguri do të shqyrtojnë propozim ligjet për punë të brendshme dhe Ligjin për policinë, që të dy në lexim të dytë.
