Schallenberg: Zgjidhja me Bullgarinë është afër

Bashkimi Evropian po përballet me një vendim të madh gjeostrategjik. Instrumenti më i rëndësishëm kundër kësaj lufte në tokën evropiane është perspektiva dhe zgjerimi i BE-së. Kjo është detyra gjeopolitike e BE-së dhe zgjerimi nuk ka qenë kurrë kaq i rëndësishëm. Prandaj, besoj se negociatat me Maqedoninë e Veriut dhe Shqipërinë duhet të hapen sa më shpejt, tha sot nga Shkupi ministri i Jashtëm austriak Alexander Schallenberg në konferencën e përbashkët për media me ministrin e Punëve të Jashtme Bujar Osmani.

Për çështjen me Bullgarinë, Schallenberg tha se zgjidhja është afër.

“Sot jam në Shkup dhe jam shumë i inkurajuar që shoh se po i afrohemi zgjidhjes së problemit. Të gjitha pjesët e enigmës janë në tryezë dhe tani na duhet vetëm t’i bashkojmë ato. Dhe ne shpresojmë që para fillimit të verës do deri te fillimi i negociatave.

Austria dëshiron të kontribuojë dhe do të solidarizohet me Maqedoninë e Veriut në ato hapa para negociatave, sepse është një domosdoshmëri gjeostrategjike. Ju jeni fqinjët e afërt të BE-së, jeni të rrethuar nga shtetet anëtare të BE-së. Të gjitha vendet që nuk janë anëtarësuar ende duhet t’i bashkohen BE-së,” tha Schallenberg.

Story i mëparshëm

Këto janë pagat e kryeministrit dhe ministrave në Maqedoni

Story i radhës

Nisin përgatitjet për ndryshimin e Kodit Zgjedhor

Të fundit nga