Santos: Maroku i fortë

Portugalia do të kërkojë kualifikimin në gjysmëfinalet e Botërorit të Katarit dhe për këtë duhet të mundë Marokun, që më parë befasoi fqinjët e Spanjës duke i eliminuar me penallti.

Në prag të këtij dueli ka folur trajneri Fernando Santos, i cili e vlerëson skuadrën kundërshtare. Ai gjithashtu foli edhe për Cristiano Ronaldon, i bërë çështje pasi u la në stol kundër Zvicrës.

“Maroku është ekip i fortë, është një ekip jashtëzakonisht i organizuar dhe me lojtarë që luajnë me klube si Chelsea, PSG e Bayern Munich”.

“Nuk është një ndeshje e lehtë për Portugalinë, por duhet të luajmë pa frikë dhe me besim. Po e bëmë këtë, atëherë do të fitojmë dhe të kualifikohemi”, shtoi trajneri i skuadrës iberike.

I pyetur për Cristiano Ronaldon, tekniku Fernando Santos deklaroi: “Është koha ta lëmë të qetë. Kurrë nuk më ka thënë se do të largohej nga kombëtarja. Është koha që t’i ndalim polemikat”.

GAZETA.MK

Story i mëparshëm

Habit këngëtari shqiptar: Do të marr dy nuse

Story i radhës

A tregoi Gerti Shehu pse e goditi Berishën me grusht? Flet avokati i 31-vjeçarit dhe tregon hapin e radhës

Të fundit nga