Samsung ka vazhduar të ngacmojë fansat me detaje të pakta për Galaxy S25 Edge, që nga prezantimi i tij fillestar në janar në eventin “Unpacked”, raporton ZDNET.
Një version shumë më i hollë se modelet e mëparshme, S25 Edge do të prezantohet zyrtarisht më 12 maj në një event virtual.
Pajisja e re do të ketë një dizajn ultra të hollë, por Samsung thotë se nuk do të sakrifikojë performancën apo inovacionin. Telefoni do të jetë i lehtë dhe portativ, edhe pse ekzistojnë shqetësime për jetëgjatësinë e baterisë për shkak të madhësisë më të vogël fizike.
Megjithëse ka vetëm dy kamera, Galaxy S25 Edge fokusohet shumë në fotografi.
Samsung ka konfirmuar se njëra prej tyre do të jetë një lente 200MP, duke ruajtur përvojën e avancuar fotografike të serisë Galaxy.
Lloji i kamerës së dytë mbetet ende i paqartë – mund të jetë telefoto, ultrawide apo thjesht një sensor makro.
Në krahasim me iPhone 17 Air që pritet të ketë një bateri më të vogël, Samsung synon të ofrojë një balancë më të mirë mes hollësisë dhe funksionalitetit.
Kjo pajisje pritet të jetë kryefjala e këtij eventi të shkurtër, ndërsa produktet e tjera të Samsung pritet të prezantohen në verë.
Burimi: botasot.info
