Samiti i NATO-s në Turqi/ Pas sulmeve të fundit ruse, Zelensky do të kërkojë më shumë sisteme të mbrojtjes ajrore

Presidenti i Ukrainës, Volodymyr Zelensky, do të shfrytëzojë samitin e NATO-s në Turqi për t’u bërë thirrje aleatëve të Kievit që të përshpejtojnë dërgimin e sistemeve të mbrojtjes ajrore, të cilat janë jetike për të përballuar sulmet gjithnjë e më intensive ruse, raporton BBC.

Kërkesa e Zelenskyt vjen pas dy sulmeve të rënda me raketa ruse ndaj kryeqytetit Kiev brenda më pak se një jave. Raketat goditën ndërtesa banimi, duke shkaktuar vdekjen e mbi 50 civilëve.

Samiti, që zhvillohet në Ankara të martën dhe të mërkurën, pritet të shërbejë gjithashtu si skenë për një takim të rëndësishëm mes Zelenskyt dhe presidentit amerikan Donald Trump.

Presidenti ukrainas synon të argumentojë se sulmet e fundit të Rusisë janë shenjë dobësie dhe jo force, duke kërkuar që presidenti rus Vladimir Putin të vihet nën presion për t’u ulur në bisedime që do të çonin drejt një paqeje “me dinjitet”.