Ish kryeministri shqiptar, Sali Berisha e ka quajtur historike zgjedhjen e Dritan Abazoviç në krye të qeverisë së Malit të Zi.
Berisha shkruan në Facebook se derisa shqiptarët e Malit të Zi kanë luajtur një rol të pazëvendësueshëm në pavarësinë e këtij shteti, një shqiptar u votua për kryeministër.
Postimi i plotë:
Historike!
Dritan Abazoviç, shqiptar në krye të qeverisë së Malit te Zi!
Të dashur miq, shqiptarët e Malit te Zi luajtën një rol të pazevendesueshëm në pavarësinë e Malit të Zi. Sot një shqiptar, kryetari i Partisë Ura u votua sot në parlamentin e Malit te Zi për kryeministër të këtij vendi.
Ky është një lajm i mirë për vendin fqinj dhe rajonin, një garanci për orientimin europian dhe euroatllantik të këtij vendi.
Me këtë rast le t’i urojmë kryeministrit të ri Dritan Abazoviç suksese në detyrën e rëndësishme të tij. sb
